ఐదేళ్ల తర్వాత బాలీవుడ్ బాద్షా కమ్ బ్యాక్ ఇచ్చాడు. ఈసారి చాలా స్ట్రాంగ్గా దూసుకొచ్చాడు. రోజురోజుకు కుదేలైపోతున్న బాలీవుడ్ బాక్సాఫీస్కు పఠాన్ సినిమాతో కలెక్షన్ల వర్షం కురిపించాడు. ఏకంగా బాహుబలి రికార్డులను తిరగరాసింది. జనవరి 25న ప్రేక్షకులు ముందుకు వచ్చిన పఠాన్ ప్రేక్షకులను విపరీతంగా అలరించింది. దీపిక అందాలు.. షారుక్ యాక్షన్కు ఫ్యాన్స్ ఫిదా అయిపోయారు.
అయితే ఈ సినిమాకు సంబంధించి ఓ ఇంట్రెస్టింగ్ న్యూస్ ప్రస్తుతం వైరల్ అవుతోంది. పఠాన్ మూవీ హక్కులను ప్రముఖ ఓటీటీ అమెజాన్‌ సంస్థ భారీ ధరకు కొనుగోలు చేసింది. ఈ సినిమా మార్చి 25 నుంచి ఓటీటీలో స్ట్రీమింగ్‌ కానున్నట్లు అధికారిక ప్రకటన వచ్చింది. హిందీతో పాటు తెలుగు, తమిళ, కన్నడ, మలయాళ భాషల్లోనూ ఈ సినిమా అందుబాటులో ఉండనుంది. యాక్షన్ ఎంటర్‌టైనర్‌గా తెరకెక్కిన ఈ సినిమాకు సిద్దార్థ్‌ ఆనంద్‌ దర్శకత్వం వహించాడు. జాన్‌ అబ్రహం కీలకపాత్రలో నటించిన ఈ సినిమాను యష్‌ రాజ్‌ ఫిలింస్‌ బ్యానర్‌పై ఆదిత్య చోప్రా నిర్మించాడు.
