కేశినేని వార్నింగ్.. బాబుతో తేల్చేసుకున్నట్లే?

తెలుగుదేశం పార్టీలో ఎంపీ కేశినేని నాని స్వపక్షంలో విపక్ష నేత మాదిరిగా తయారైన విషయం తెలిసిందే..తాను పూర్తిగా టీడీపీకి విధేయుడుని అని, పార్టీ విధానాలకు కట్టుబడి ఉంటానని, కానీ పార్టీలోని తప్పుల్ని ఎత్తిచూపుతానని మొదట నుంచి అదేవిధానంలో పనిచేస్తున్నారు. గత ఎన్నికల నుంచి నాని..ప్రత్యర్ధి పార్టీ అయిన వైసీపీపై ఏ స్థాయిలో విమర్శలు చేశారో తెలియదు గాని..సొంత పార్టీపై మాత్రం తీవ్ర స్థాయిలో విమర్శలు చేశారు. దేవినేని ఉమా, బోండా ఉమా, బుద్దా వెంకన్న..ఆఖరికి తన సోదరుడు కేశినేని శివనాథ్(చిన్ని) టార్గెట్ గా కూడా ఫైర్ అయ్యారు.

అయితే పార్టీ విధానాలపైనే కేశినేని విమర్శలు చేశారు. అలాగే తనకు వ్యతిరేకంగా నాయకులని తయారు చేస్తున్నారని మండిపడ్డారు. టీడీపీలో కోవర్టులు పెరిగారని, దీని వల్ల పార్టీకే నష్టమని చెప్పుకొచ్చారు. కాకపోతే అంతర్గతంగా చెప్పాల్సిన అంశాలని నాని బహిరంగంగా చెప్పడం టీడీపీకి మైనస్ అయింది. దీంతో టీడీపీ అధిష్టానానికి, కేశినేనికి గ్యాప్ పెరిగింది. పైగా కేశినేని వేరే పార్టీలోకి వెళ్లిపోతారని టీడీపీ వర్గాల్లోనే ప్రచారం నడిచింది.

అయితే తాను వేరే పార్టీలోకి వెళ్ళేది లేదని, అవసరమైతే రాజకీయాల న్ంచి తప్పుకుంటానని చెప్పేశారు. ఇదే క్రమంలో కేశినేనికి ధీటుగా విజయవాడ పార్లమెంట్‌లో ఆయన సోదరుడు చిన్ని యాక్టివ్ గా తిరుగుతున్నారు. ఈయనకు దేవినేని, బుద్దా, బోండాల సపోర్ట్ కూడా ఉంది. ఇక తనకు చెక్ పెట్టడానికే తన సోదరుడుని ఎంకరేజ్ చేస్తున్నారని పలుమార్లు కేశినేని అసంతృప్తి వ్యక్తం చేశారు.

ఇటీవల కూడా బాబు వద్ద అదే అసహనం వ్యక్తం చేసినట్లు తెలిసింది. ఇక తాను రాజకీయాల నుంచి తప్పుకుంటానని, వచ్చే ఎన్నికల్లో కూడా పోటీ చేయనని బాబు వద్దే తేల్చి చెప్పినట్లు తెలిసింది. ఇదంతా అంతర్గతమ జరిగిన వ్యవహారం..మరి ఇందులో ఎంతవరకు వాస్తవం ఉందో క్లారిటీ లేదు. అయితే తన కుమార్తె శ్వేత పెళ్లి సందర్భంగా తాజాగా కేశినేని దంపతులు..చంద్రబాబు-భువనేశ్వరిలని ఆహ్వానించారు. మొత్తానికి టీడీపీలో కేశినేని రాజకీయం ఆసక్తిగా ఉంది.