పాటలు పాడుకునే మొగిలయ్యకు వంద‌నాలు చెల్లిస్తూ మిమ్మ‌ల్ని చూసి ఈ జాతి గ‌ర్విస్తుంద‌ని చెప్పాడు కేసీఆర్.పాటలు పాడుకునే మొగిల‌య్య‌ను చూసి ప్రాచీన క‌ళ‌ల ర‌క్ష‌ణ నా బాధ్య‌త అని చెప్పాడు కేసీఆర్. మంచి వాడ‌వు నీవు ఇలానే ఉండాలి అని కూడా ప్ర‌శంసించాడు కేసీఆర్. కోటి రూపాయ‌లు ప్రభుత్వం త‌ర‌ఫున ఇచ్చి మొగిల‌య్యా! నీవు ఇంకా ఈ క‌ళ ను విశ్వ వ్యాప్తం చేయాలి అని భుజం త‌ట్టాడు కేసీఆర్..మంచివాడు కేసీఆర్.. భోళా మ‌నిషి.. కోటి రూపాయ‌లు ఇచ్చి ముందు నీవు ఆ రేకింటి నుంచి బ‌య‌ట‌కు రా! మంచి ఇల్లు క‌ట్టుకో! ఏమ‌య్యా! వింటున్నావా! అంటూ ఆయ‌న న‌వ్వులో న‌వ్వ‌య్యాడు.. ఆయ‌న వెలుగులో వెలుగ‌య్యాడు. మంచి వాడు కేసీఆర్.. ఏమ‌య్యా! పింఛ‌ను వ‌స్తుంది క‌దా! డ‌బ్బులు జాగ్రత్త! నీకు మ‌న ఎమ్మెల్యేలు అంతా అండ‌గా ఉంటారు..ఈ తెలంగాణ జాతి జాతంతా నీకు అండ‌గా ఉంటారు అని చెప్పి పంపారు కేసీఆర్.
పోలిక‌నీ కాదు విమ‌ర్శ అనీ కాదు మొగిలయ్యకు ప‌ద్మ అవార్డు రాగానే పొంగిపోతూ ఆ రాత్రే త‌న శుభాకాంక్ష‌లు చెప్పాడు కేసీఆర్.ఏం తెల్లారితే చెప్పొచ్చుగా..! అదే ప‌క్క‌రాష్ట్రం జగన్ త‌న ప్రాంతానికి ప‌ద్మ పుర‌స్కారాలు వ‌చ్చినా క‌నీసం ట్వీట్ చేయ‌లేదు. అందుకే తెలంగాణ నేల‌ల్లో ఆ పాటి క‌ళ‌ల‌యినా ఉన్నాయని, వాటిని గౌర‌వించే శ‌క్తులు ఉన్నాయని పొంగిపోవాలి మ‌నం. రాజ‌కీయ శ‌క్తుల‌కు ఏం అవ‌స‌రం ఆ రాత్రి వేళ రాయించ‌క‌పోతే! అలాఅని కాదు కేసీఆర్ సంస్కృతిని ముఖ్యంగా భాష‌ను ప్రేమిస్తాడు.ఆ విష‌యం ఆయ‌న ఉద్య‌మాల్లో నిరూపించాడు. ఇప్పుడు అధికారంలో ఉన్నా నిరూపిస్తాండు.
కేసీఆర్ అంటే ఏమనుకున్నరు..కేసీఆర్ అంటే ఎవ‌రనుకున్న‌రు..మొగిల‌య్య స‌ర్కారు చ‌దువు గురించి పాడుతుంటే పొంగిపోతాడు..స‌క్క‌నైన చ‌దువు.. స్వ‌చ్ఛ‌మైన చ‌దువు అని పాడుతుంటే పొంగిపోతాడు..చెప్పానుగా భోళా మ‌నిషి.. మొగిల‌య్యా! నీవు ఇంకా నీ పాట‌ను కొత్త తరానికి చేర్చాలి అని చెప్పి, ఇదిగో నీ ఆనందంలో మేం అంతా ఉన్నాం అని భ‌రోసా ఇచ్చి పంపుతాడు. ఏమున్నా ఉంటే ఎమ్మెల్యే గువ్వల బాల‌రాజుకు చెప్పు..ఏం కాదు నీ స‌మ‌స్య‌లు నేను ప‌రిష్క‌రించి పంపుతాను..అని కూడా చెబుతాడు కేసీఆర్..
మా పాల‌కులు కొన్ని ఆయ‌న్ను చూసి నేర్చుకోవాలి.. ఎవ్వరు ఎక్క‌డ బాగా రాసినా ఆయ‌న ఆనందిస్తాడు. ఆ రోజు ఆ ప్రాంతానికి సంబంధించి ఓ మంచి వార్త వ‌స్తే చాలు తెలంగాణ సీఎంఓలో పండ‌గ వాతావ‌ర‌ణ‌మే! బాగా రాశారు ఎవ‌రు రాశారు.. అని ఆరా తీస్తాడు.. తిక్క ప్ర‌శ్న‌ల‌కు తిక్క జ‌వాబులు ఇచ్చి పంపుతాడు.. సర్! మీ గురించి ఆ శ్రీ‌కాకుళం కుర్రాడు రాశాడు సర్ అని చెబితే చాలు శ్ర‌ద్ధ‌గా చ‌దువుతాడు .. అదిరా కేసీఆర్.. ప్రాంతాలు వేరు కానీ మాకు కొన్ని విష‌యాల్లో కేసీఆర్ న‌చ్చుతాడు..వాడు మా పెద్ద‌న్న‌య్య రా ! అన్న‌య్యా! నిన్న‌టి వేళ మీరు మొగిల‌య్య‌ను స‌త్క‌రించిన తీరు ఎంతో బాగుంది..మీకు మా ప్రాంతం త‌ర‌ఫున
వంద‌నాలు చెల్లిస్తున్నాను.ఇంకొంద‌రు పేద క‌ళాకారులు అరుదైన క‌ళ‌ను విశ్వ‌వ్యాప్తం చేసేందుకు తెలంగాణ పాట గొప్ప‌త‌నాన్ని చాటేందుకు సిద్ధంగా ఉన్నారు.వారి గురించి ప‌ట్టించుకోండి మీరు.. ప్లీజ్ ప్లీజ్..మొగిల‌య్య గారూ! మీకు శుభాకాంక్ష‌లు..
– ర‌త్న‌కిశోర్ శంభుమహంతి,శ్రీ‌కాకుళం
