యంగ్ రెబల్ స్టార్ ప్రభాస్ నటించిన బాహుబలి ఎంత పెద్ద సక్సెస్ అయ్యిందో ప్రత్యేకంగా చెప్పాల్సిన పనిలేదు. ఈ సినిమాలో బాహుబలి పాత్రకు సంబంధించిన మైనపు విగ్రహాన్ని మేడం టుస్సాడ్స్ మ్యూజియంలో ఉంచిన విషయం కూడా తెలిసిందే. ఈ వార్త అప్పట్లో సంచలనంగా మారింది. రీసెంట్గా మైసూర్ మ్యూజియంలో ప్రభాస్ మైనపు విగ్రహం చర్చనీయాంశం అయ్యింది. ఇంతకీ అసలు విషయం ఏంటంటే..
బాహుబలి ఫేమ్ ప్రభాస్ మైనపు విగ్రహాన్ని మూడేళ్ల క్రితం మైనపు మ్యూజియంలో పెట్టారు. ఓ పర్యాటకుడు దాన్ని ఫోటో తీసి సోషల్ మీడియాలో షేర్ చేశాడు. ఈ చిత్రాన్ని ప్రభాస్ నెట్‌వర్క్ మరియు X పేజీలో షేర్ చేశారు. అయితే ఈ మైనపు బొమ్మ బాహుబలి తరహాలో లేదని పలువురు అభిమానులు అభ్యంతరం వ్యక్తం చేస్తున్నారు. ఇది ప్రభాస్ లా కాదు. డేవిడ్ వార్నర్ పొలికలు ఉన్నాయని నెటిజన్లు మండిపడ్డారు. బాహుబలి సినిమాలో ప్రభాస్‌గా ఉన్నట్లుగా మైనపు బొమ్మలేదని పలువురు అంటున్నారు. సోషల్ మీడియాలో ఈ తరహా చర్చ జరగడాన్ని బాహుబలి చిత్ర నిర్మాత శోభు యార్లగడ్డ గమనించారు. మైనపు విగ్రహాన్ని చూసి విసిగిపోయారు.
మ్యూజియంలో ఉన్న మైనపు విగ్రహం నాణ్యంగా లేదని, ఆ బొమ్మ బాహుబలి పొలికలులేవని, బొమ్మ ప్రభాస్ లా కనిపించడం లేదు అంటూ ఆయన అసహనం వ్యక్తం చేశారని తెలిసింది. బాహుబలి నిర్మాత మైనపు విగ్రహంపై అభ్యంతరం చెప్పడమే కాకుండా మైనపు బొమ్మను మ్యూజియంకు ఫోన్ చేసి విగ్రహాన్ని తొలగించాలని కోరారు. ఈ విషయం తెలుసుకున్న ఆ సంస్థ సోమవారం ప్రభాస్ మైనపు బొమ్మ విగ్రహాన్ని తొలగించింది. బాహుబలి మైనపు బొమ్మ పెట్టడానికి మ్యూజియం నిర్వహకులు అనుమతి తీసుకోలేదని పైకి చెబుతున్నారు. బాహుబలి మైనపు బొమ్మ విగ్రహంపై అభ్యంతరాలు వ్యక్తం చేసినందున దానిని తొలగించామని మ్యూజిమ్ నిర్వహకులు అంటున్నారు.
