రంజీ మ్యాచ్‌లో కోహ్లీ..అరుణ్ జైట్లీ స్టేడియం వద్ద తొక్కిసలాట

టీమిండియా సీనియర్ క్రికెటర్ విరాట్ కోహ్లీ ఇటీవల జరిగిన బోర్డర్ గవాస్కర్ ట్రోఫీలో దారుణంగా విఫలమైన విషయం తెలిసిందే. ఈ క్రమంలోనే బీసీసీఐ సూచన మేరకు రంజీల్లో ఆడేందుకు విరాట్ కోహ్లీ నిర్ణయించుకున్నాడు.

తాజాగా నేడు ఢిల్లీలోని అరుణ్ జైట్లీ స్టేడియం వేదికగా రంజీ మ్యాచ్ జరుగుతోంది.ఇందులో విరాట్ కోహ్లీ ఆట చూసేందుకు అభిమానులు భారీగా ఎగబడ్డారు. దీంతో స్టేడియం పరిసరాల్లో తొక్కిసలాట జరిగింది. ఈ ఘటనలో పలువురికి గాయాలు అయినట్లు తెలుస్తోంది.అభిమానులు భారీగా తరలిరావడంతో గేటు నంబర్-16 వద్ద పరిస్థితి అదుపుతప్పి తొక్కిసలాట జరిగినట్లు పోలీసులు నిర్దారించారు. ఈ ఘటనలో ఓ పోలీస్ ద్విచక్రవాహనం ధ్వంసమైనట్లు తెలుస్తోంది.దీంతో పోలీసులు వెంటనే అక్కడకు చేరుకుని పరిస్థితిని అదుపులోకి తీసుకొచ్చే ప్రయత్నం చేశారు.