మాజీ ఇండియా ఆటగాడు మరియు తెలుగు ఆటగాడు అంబటి రాయుడు గురించి ప్రత్యేకించి చెప్పాల్సిన పనిలేదు. ప్రస్తుతం రాయుడు చెన్నై సూపర్ కింగ్స్ తరపున ఐపీఎల్ లో ఆడుతున్నాడు. తాజాగా రాయుడు వార్తల్లో నిలవడం విశేషం. గత కొంతకాలంగా రాయుడు క్రికెట్ ఫీల్డ్ నుండి రాజకీయాల్లోకి వస్తున్నాడని వార్తలు ప్రచారంలోకి వచ్చిన సంగతి తెలిసిందే. అయితే ఈ వార్తలపై అంబటి రాయుడు ఏమీ స్పదించకపోవడంతో క్లారిటీ ఏమీ రాలేదు. కానీ తాజాగా ఒక రాయుడు చేసిన ఒక ట్వీట్ మాత్రం ఈ వార్తలకు బలాన్ని చేకూరుస్తోంది. ఏపీ సీఎం జగన్ మోహన్ రెడ్డి శ్రీకాకుళం జిల్లాలో మాట్లాడిన ఒక వీడియోను వైసీపీ తమ ట్విట్టర్ లో పోస్ట్ చేసింది.
