Acharya : ఆచార్య నుంచి బిగ్ అప్డేట్…ధర్మమే అంటూ ”సిద్ధ” వచ్చేశాడు

టాలీవుడ్ సక్సెస్ ఫుల్ డైరెక్టర్ కొరటాల శివ, మెగాస్టార్ చిరంజీవి కాంబినేషన్ లో వస్తున్న తాజా సినిమా ఆచార్య. ఈ సినిమాలో మెగాస్టార్ చిరంజీవికి జోడీగా కాజల్ అగర్వాల్ నటిస్తుండగా… మరో జంటగా రామ్ చరణ్, పూజా హెగ్డే లో నటిస్తున్నారు. ఎంతో ప్రతిష్టాత్మకంగా తెరకెక్కుతున్న ఆచార్య సినిమాను భారీ బడ్జెట్ తో చేస్తున్నారు. ఈ సినిమాకు మెగా పవర్ స్టార్ రామ్ చరణ్ నిర్మాతగా వ్యవహరించడం గమనార్హం.

ఇక ఈ సినిమా షూటింగ్ ఇప్పటికే… పూర్తి కాగా విడుదలకు కూడా రెడీ అయింది. అలాగే ఇప్పటికే ఆచార్య నుంచి విడుదలైన ఫస్ట్ సింగిల్… మరియు పోస్టర్లు ఈ సినిమా పై అంచనాలు పెంచిన సంగతి తెలిసిందే. అయితే తాజాగా ఈ సినిమా నుంచి మరో బిగ్ అప్డేట్ వచ్చింది.

ఈ సినిమాలో సిద్ధా గా నటిస్తున్న రామ్‌ చరణ్‌ టీజర్‌ ను నవంబర్‌ 28 న విడుదల చేస్తున్నట్లు తాజాగా ప్రకటించింది చిత్ర బృందం. ఈ మేరకు ఓ అదిరిపోయే పోస్టర్‌ విడుదల చేసింది చిత్ర బృందం. ఈ పోస్టర్‌ లో రామ్‌ చరణ్‌ పెద్ద గన్‌ పట్టుకుని… చాలా ఆవేశంగా కనిపించాడు. అటు మెగాస్టార్‌ చిరంజీవి కూడా చాలా కోపంగా కనిపించాడు. ఇక తాజాగా అప్డేట్‌ తో మెగా ఫ్యాన్స్‌ పండగ చేసుకుంటున్నారు.