అభిమానులకు శుభవార్త చెప్పిన సింగర్ సునీత.. ఏంటంటే..?

ప్రముఖ టాలీవుడ్ సింగర్లలో ఒకరైన సింగర్ సునీత గురించి ప్రత్యేకంగా చెప్పనవసరం లేదు. ఇక ఈమె సింగర్ గా, డబ్బింగ్ ఆర్టిస్ట్ గా మంచి పాపులారిటీని సొంతం చేసుకుంది. ముఖ్యంగా తన గాత్రంతో ఎవరినైనా సరే మెప్పించగలిగే అద్భుతమైన గాయకురాలు అని చెప్పవచ్చు. గుంటూరు జిల్లాకు చెందిన సునీత గులాబీ, ఎగిరే పావురమా సినిమాలతో సింగర్ గా మంచి పేరును సంపాదించుకుంది.చిన్న వయసులోనే సింగర్ గా తన కెరీర్ ను మొదలుపెట్టిన ఈమె వేల సంఖ్యలో పాటలు పాడడంతో పాటు 500 కంటే ఎక్కువ సినిమాలకు డబ్బింగ్ ఆర్టిస్ట్ గా కూడా పనిచేస్తుంది.

ఇదిలా ఉండగా సింగర్ సునీత అభిమానులకు అదిరిపోయే శుభవార్త తెలిపింది. ఒకవైపు తన కెరీర్ ను సింగర్ గా కొనసాగిస్తూనే.. మరొకవైపు పలు రియాల్టీ షోలకు జడ్జిగా వ్యవహరిస్తోంది.. ఈ క్రమంలోనే తాజాగా అభిమానులకు సునీత ఇకపై వన్ మినిట్ వీడియో రిలీజ్ చేస్తానని అదిరిపోయే తీపి కబురు అందించారు. అంతే కాదు ఇందుకు తగిన ఏర్పాట్లు కూడా జరుగుతున్నాయని సునీత వెల్లడించడంతో అభిమానుల సైతం తమ సంతోషాన్ని వ్యక్తం చేస్తున్నారు. అందాల తార తెలుగు ముద్దుగుమ్మ సునీత ఏ పాట పాడిన సరే ఆ పాటకు పూర్తిస్థాయిలో న్యాయం చేస్తుంది.అంతేకాదు ఎంతోమంది హీరోయిన్లకు ఈమె గాత్ర దానం చేసినా.. ఆ సినిమాలన్నీ కూడా విజయం సొంతం చేసుకోవడం గమనార్హం.ఇక తన సినీ కెరియర్ లో మూడు వేలకు పైగా పాటలు పాడిన సింగర్ సునీత రియల్ లైఫ్ లో మాత్రం చాలా సింపుల్ గా ఉండడానికి ఇష్టపడతారు. 19 సంవత్సరాల వయసులోనే పెళ్లి చేసుకోగా కొన్ని కారణాలవల్ల మొదటి భర్తతో విడిపోయి.. కొడుకు, కూతురుతోనే జీవితాన్ని కొనసాగించింది. ఇక ఇటీవల ప్రముఖ వ్యాపారవేత్త రామ్ వీరపనేని నీ గత ఏడాది వివాహం చేసుకొని తన రెండవ వివాహ జీవితంలో చాలా సంతోషంగా ఉన్నాను అంటూ అభిమానులతో పంచుకుంది. ఇక త్వరలోనే తన కొడుకును కూడా హీరోగా లాంచ్ చేయడానికి సిద్ధమవుతోంది ఈ ముద్దుగుమ్మ.