ప్రధాని నరేంద్ర మోడీకి స్వాగతం పలికేందుకు ఎయిర్ పోర్టుకు సీఎం కేసీఆర్ రాలేకపోయారు. చివరి నిమిషంలో.. సీఎం కేసీఆర్ కు జ్వరం వచ్చిందని ప్రగతి భవన్‌ వర్గాలు పేర్కొన్నాయి. దీంతో సీఎం కేసీఆర్ స్థానంలో… మంత్రి తలసాని శ్రీనివాస్‌ యాదవ్‌ ఎయిర్ పోర్టుకు వెళ్లారు. అయితే.. దీనిపై తెలంగాణ రాష్ట్ర బీజేపీ అధ్యక్షుడు బండి సంజయ్ సంచలన వ్యాఖ్యలు చేశారు. సీఎం కేసీఆర్ సంస్కరహీనంగా వ్యవహరించారని ఆగ్రహించారు.
పీఎం నరేంద్ర మోడీ వస్తున్నాడు అంటే కేసీఆర్ కి చలి జ్వరం వచ్చిందని.. నీకు ఏమి పుట్టిందంటూ నిప్పులు చెరిగారు బండి సంజయ్. ప్రధాని మోడీని పదవిని గౌరవించాలని.. సీఎం పదవి ఉంది లేకుంటే నిన్ను కుక్కలు కూడా దేకయంటూ ఆగ్రహం వ్యక్తం చేశారు. మదం ఎక్కిందా.. ఇంతకన్నా సిగ్గుమాలిన పని ఉండదని.. తెలంగాణ ప్రజలు సిగ్గుతో తలదించుకోవాల్సిన పరిస్థితి ఉందని బండి సంజయ్ ఓ రేంజ్‌ లో రెచ్చిపోయారు. సీఎం కేసీఆర్ కు రోజులు దగ్గరపడ్డాయని.. ఆయనకు తగిన బుద్ది చెప్పాలని కోరారు.
