ఎస్‌ ఐ, కానిస్టేబుల్ అభ్యర్థులకు బిగ్ అలర్ట్. ఎస్‌ ఐ, కానిస్టేబుల్ ప్రిలిమినరీ పరీక్షల్లో పాసై.. ఫిజికల్‌ టెస్టులకు అర్హత సాధించిన అభ్యర్థులు పార్ట్‌ 2 అప్లికేషన్లను అప్ లోడ్‌ చేయాలని పోలీస్‌ రిక్రూట్‌ మెంట్‌ బోర్డు.. సూచనలు చేసింది.
అక్టోబర్‌ 27 వ తేదీ నుంచి నవంబర్‌ 10 వ తేదీ వరకు ఈ అప్లికేషన్లను స్వీకరిస్తామని తెలిపారు. ఫిజికల్‌ టెస్టులు ప్రతి ఒక్కరికి ఒక్కసారి మాత్రమే జరుగుతాయని.. వాటి ఫలితాలనే అన్ని పోస్టులకు పరిగణనలోకి తీసుకుంటామని కూడా స్పష్టం చేశారు. TSLPRB వెబ్‌ సైట్‌ ఓ అప్లికేషన్లను అప్ లోడ్‌ చేయాలని పోలీస్‌ రిక్రూట్‌ మెంట్‌ బోర్డు.. సూచనలు చేసింది.
కాగా.. నిన్న ఎస్సై, కానిస్టేబుల్ ప్రాథమిక పరీక్షా ఫలితాలు విడుదలయ్యాయి. పోలీస్‌ రిక్రూట్‌మెంట్ బోర్డు ఈ ఫలితాలను వెల్లడించింది.సివిల్‌ ఎస్సై ప్రిలిమినరీ పరీక్షలో 46.80 శాతం, సివిల్‌ కానిస్టేబుల్ ప్రాథమిక పరీక్షలో 31.40శాతం, రవాణా కానిస్టేబుల్ పరీక్షలో 44.84శాతం, ఎక్సైజ్‌ కానిస్టేబుల్ పరీక్షలో 43.65శాతం మంది ఉత్తీర్ణత సాధించినట్లు బోర్డు వెల్లడించింది.
