ఖమ్మం వరద బాధితులకు అదిరిపోయే శుభవార్త చెప్పింది రేవంత్ రెడ్డి ప్రభుత్వం. ఖమ్మం వరదలకు ఇల్లు కోల్పోయిన వారికి ఇందిరమ్మ ఇండ్లు ఇచ్చేందుకు రంగం సిద్ధం చేసింది. భారీ వర్షాలు అలాగే వరదలకు తెలంగాణ రాష్ట్ర వ్యాప్తంగా 7 వేల ఇండ్లు కూలినట్లు ప్రభుత్వానికి నివేదిక అందింది. ఈ మేరకు తెలంగాణ ప్రభుత్వానికి కలెక్టర్లు నివేదిక పంపించారు.
అయితే ఇండ్లు కూలిన బాధితులకు ఇందిరమ్మ ఇండ్లు ఇవ్వాలని రేవంత్ రెడ్డి ప్రభుత్వం నిర్ణయం తీసుకున్నట్లు వార్తలు వస్తున్నాయి. ఇందిరమ్మ ఇండ్ల కింద ఇంటి స్థలం ఉన్న వారికి 5 లక్షల రూపాయలు ఇవ్వనున్నారు. అలాగే స్థలం లేని వారికి స్థలం మరియు ఐదు లక్షల రూపాయలు ఇస్తామని… ఎన్నికల కంటే ముందు కాంగ్రెస్ పార్టీ ప్రకటించిన సంగతి తెలిసిందే. మరి దీన్ని ఏమరకు అమలు చేస్తుందో చూడాల్సి ఉంది.
