సాధారణంగా సంక్రాంతి పండుగ వచ్చిందంటే చాలు.. ఇంటి వాకిళ్లు.. ముగ్గులతో అందంగా ముస్తాబవుతాయి. రంగు రంగుల డిజైన్ లతో మహిళలు ఇంటి వాకిట్లో ముగ్గులు వేస్తారు,. అయితే ఓ గ్రామంలో పలువురు గ్రామస్తులు సంక్రాంతి ముగ్గులు వేసిన ప్రబుత్వం పై నిరసన తెలిపారు. రైతు భరోసా గోవిందా.. తులం బంగారం గోవిందా.. రైతు రుణమాఫీ గోవిందా.. రూ.4వేల పింఛన్ గోవిందా.. మహాలక్ష్మి రూ.2500 గోవిందా.. అంటూ ఆదిలాబాద్ జిల్లా ఇచ్చోడ మండలం, ముఖ్రాకే గ్రామస్తులు ముగ్గులు వేసి నిరసన తెలిపారు.
ఆరు గ్యారెంటీలను నమ్మి మోసపోయామని.. వంద రోజల్లో ఆరు గ్యారెంటీలను అమలు చేస్తామని చెప్పి ఇప్పటి వరకు అమలు చేయలేదని.. రైతు భరోసా రూ.15వేలు ఇస్తానని చెప్పి రెండు సీజన్లు ఎగగొట్టాడు. రుణమాఫీ కాలేదని.. ఆరు గ్యారెంటీలు బోగస్ అయ్యాయని అన్నారు. రైతు భరోసా రాక పండుగ చేసుకునేదెట్లా అంటూ ఇంటి ముందు ముగ్గులు వేసి నిరసన తెలిపారు.
