VIRAL : అరేబియా సముద్రంలో “కల్వకుంట్ల కవిత” బర్త్‌ డే వేడుకలు

-

నేడు టీఆర్‌ఎస్‌ ఎమ్మెల్సీ, తెలంగాణ ముఖ్యమంత్రి కల్వకుంట్ల చంద్రశేఖర్‌ రావు ముద్దుల కూతురు కల్వకుంట్ల కవిత జన్మదినం. ఈ సందర్భంగా అభిమానులు పలు ప్రాంతాల్లో వినూత్నంగా శుభాకాంక్షలు తెలియజేస్తున్నారు. ఉద్యమ నాయకుడి కూతురు అంటూ.. తమకు నచ్చిన విధంగా సెలబ్రేషన్స్‌ నిర్వహిస్తున్నారు టీఆర్‌ఎస్‌ పార్టీ నేతలు.

ఈ నేపథ్యంలోనే… టిఆర్ఎస్ పార్టీ నిజామాబాద్ జిల్లాకు చెందిన చిన్ను గౌడ్ అనే నాయకుడు.. ఏకంగా.. అరేబియా మహా సముద్రం ఒడ్డున మహాబలేశ్వర ఆలయంలోని ఆత్మలింగం సమీపాన సముద్రంలో పది పడవలపై ఎమ్మెల్సీ కవిత ఫొటోలతో కూడిన గులాబీ రంగు జెండాలను ప్రదర్శిస్తూ శుభాకాంక్షలు తెలిపారు. ప్రస్తుతం దీనికి సంబంధించిన వీడియో వైరల్‌ గా మారింది.

అటు ఎమ్మెల్సీ కల్వకుంట్ల కవిత జన్మదినం సందర్భంగా ఆమె ఫ్లెక్సీని చార్మినార్ పై ఏర్పాటు చేయడం వివాదాస్పదంగా మారింది. చారిత్రక కట్టడం పై ప్లెక్సీలు ఆవిష్కరించడం నిబంధనలకు విరుద్ధమని చార్మినార్ కన్జర్వేటర్ రాజేశ్వరి పోలీసులకు ఫిర్యాదు చేశారు. దీంతో రంగంలోకి దిగిన పోలీసులు వారిపై కేసు బుక్ చేశారు. ఫ్లెక్సీ కట్టిన టిఆర్ఎస్ నేతలు పుప్పాల రాధాకృష్ణ మరియు విజయ్ కుమార్ తో పాటు మరో నాయకుడు పోలీసులు కేసు నమోదు చేశారు.

Read more RELATED
Recommended to you

Latest news