తెలంగాణ అసెంబ్లీ సమావేశాలు ఇవాళ నిర్వహించారు. ప్రొటెమ్ స్పీకర్ అక్బరుద్దీన్ ఓవైసీ ఎమ్మెల్యేలతో ప్రమాణ స్వీకారం చేయించారు. అనంతరం 6 గ్యారెంటీలలో భాగంగా రెండు స్కీమ్ లను ప్రారంభించారు సీఎం రేవంత్ రెడ్డి. ఈ సందర్భంగా రేవంత్ రెడ్డి మాట్లాడారు. డిసెంబర్ 09వ తేదీకి తెలంగాణకు చాలా ప్రాముఖ్యత ఉంది. డిసెంబర్ 09, 2009న మన్మోహన్ సింగ్ ప్రధానిగా ఉన్న సమయంలో కేంద్ర హోంమంత్రి చిదంబరం తెలంగాణ రాష్ట్రాన్ని ఇస్తున్నట్టు ప్రకటన చేశారు.
ఈ విషయాన్ని ఇవాళ రెండు గ్యారెంటీల ప్రారంభోత్సవంలో సీఎం రేవంత్ రెడ్డి గుర్తు చేశారు. మహాలక్ష్మీ పథకంలో భాగంగా ప్రీ టికెట్స్ విడుదల చేశారు. మహిళా మంత్రులు సీతక్క, కొండా సురేఖ జెండా ఊపి ప్రారంభించారు. బస్సులో ముఖ్యమంత్రి, డిప్యూటీ సీఎం, మంత్రులు , పలువురు ఎమ్మెల్యేలు ప్రయాణించారు. తెలంగాణ ముఖ్యమంత్రి రేవంత్ రెడ్డి, డిప్యూటీ సీఎం భట్టి విక్రమార్క, మంత్రులు బస్సులో ట్యాంక్ బండ్ వద్దకు వెళ్లి అక్కడ అంబేద్కర్ విగ్రహానికి నివాళులర్పించి.. తిరిగి అసెంబ్లీ వద్దకు చేరుకున్నారు.