అంబులెన్స్ ను చోరీ చేసి పారిపోతున్న దొంగ.. మూవీ రేంజ్ లో..?

హైద్రాబాద్ – విజయవాడ హైవేపై మూవీ రేంజ్ లో ఛేజింగ్ అనేది జరిగింది. అయితే హయత్ నగర్ లో 108 వాహనాన్ని చోరీ చేసి విజయవాడ ఓ దొంగ వైపు పారిపోతున్నాడు. అయితే దొంగను పట్టుకునేందుకు హైవేపై అలర్ట్ అయ్యారు పోలీసులు. హయత్ నగర్ నుంచి సూర్యాపేట దాకా పోలీసులను ముప్పు తిప్పలు పెట్టిన దొంగ.. అంబులెన్స్ సైరన్ తో రయ్ రయ్ మంటూ అతి వేగంతో బండి నడుపుతూ వెళ్ళిపోయాడు. అయితే చిట్యాల వద్ద పట్టుకునే క్రమంలో ఏఎస్ జాన్ రెడ్డిని ఢీకొట్టి పారిపోయాడు దొంగ.

దాంతో జాన్ రెడ్డి పరిస్థితి విషమం కావడంతో.. చికిత్స నిమిత్తం హైద్రాబాద్ లోని ఓ ప్రైవేట్ ఆస్పత్రికి తరలించారు. అయితే దొంగ మాత్రం కొర్లపహాడ్ టోల్ గేట్ వద్ద గేట్ ను ఢీకొట్టి పారిపోయాడు. కానీ చివరకు సూర్యాపేట.. టేకుమట్ల వద్ద రోడ్డుకు అడ్డంగా లారీలు పెట్టి దొంగను పట్టుకున్నారు పోలీసులు. అయితే పట్టుబడ్డ సదరు నిందితుడు గతంలో కూడా పలు చోరీలు చేసినట్టు గుర్తించారు పోలీసులు.