కాళేశ్వరం కమిషన్ విచారణ మళ్లీ ప్రారంభం అయింది. డిజైన్ మార్పులు, నిర్మాణంలో ప్రత్యక్ష సాక్షులైన ఇంజినీర్లతో పాటు.. పలువురు ఐఏఎస్ ను కమిషన్ విచారించాలని నిర్ణయం తీసుకుంది. ఈ క్రమంలోనే విచారణలో భాగంగా ఇవాళ మేడిగడ్డ, అన్నారం, సుందిళ్ల బ్యారేజీల వద్ద పనిచేసిన పలువురు డీఈలు, ఏఈలు కమిషన్ ఎదుట హాజరయ్యారు. నిర్మాణం, పనుల వివరాలపై కమిషన్ ఆరా తీసింది. మేడిగడ్డ బ్లాక్ -7తో పాటు 3 బ్యారేజీల వర్క్ ప్లేస్ మెంట్ల రిజిస్టర్లను కమిషన్ స్వాధీనం
చేసుకుంది.
ఫీల్డ్ లో జరిగిన పనులకు సంబంధించి రిజిస్టర్లలో ఇంజినీర్ల సంతకాలను కమిషన్ తీసుకుంది. కుంగిన పిల్లర్లకు సంబంధించిన బ్లాక్ -7 రిజిస్టర్లపై సంతకాలు తీసుకుంది. కాళేశ్వరం ప్రాజెక్టు నిర్మాణంలో క్వాలిటీ కంట్రోల్ రిజిస్టర్లు మిస్ అయినట్లు కమిషన్ గుర్తించింది. తొలి డ్యామేజీ 2020లోనే జరిగినట్లు గుర్తించి లేఖలు రాసినట్లు కమిషన్కు ఇంజినీర్లు చెప్పారు.
