సీఎం కేసీఆర్ కు తుమ్మ ముళ్ళు గట్టిగా గుచ్చింది అంటూ ఖమ్మం ఎమ్యెల్యే తుమ్మల నాగేశ్వరరావు ట్వీట్ చేశారు. ఖమ్మం నియోజకవర్గం లో ఎమ్మెల్యేగా గెలిచిన తుమ్మల నాగేశ్వరరావు సంచలన ట్వీట్ చేశారు. ఖమ్మం నుంచి పువ్వాడ అజయ్ పై 49 వేల భారీ మెజారిటీతో విజయం సాధించిన కాంగ్రెస్ అభ్యర్థి తుమ్మల నాగేశ్వరరావు సిఎం కేసిఆర్ పై వ్యంగ్యాస్త్రాలు అందించారు. తుమ్మ ముళ్ళు బాగా గుచ్చినట్లేనా ? మీ భారత రాష్ట్ర సమితి పార్టీ అధినేతకు అంటూ సోషల్ మీడియాలో పోస్ట్ చేశారు తుమ్మల నాగేశ్వరరావు.
కాగా గతంలో ఖమ్మం ఎన్నికల ప్రచారంలో పాల్గొన్న సీఎం కేసీఆర్.. పువ్వాడ పువ్వులు కావాలా తుమ్మల తుప్పలు కావాలా అని ప్రచారం చేశారు. తుమ్మలను గెలిపిస్తే తుమ్మ ముళ్ళు గుచ్చుకుంటాయి అని సీఎం కేసీఆర్ వ్యాఖ్యానించారు. అయితే ఆ వ్యాఖ్యలకు తాజాగా గెలిచిన తుమ్మల నాగేశ్వరరావు కౌంటర్ ఇచ్చారు. కాగా తెలంగాణ రాష్ట్ర వ్యాప్తంగా కాంగ్రెస్ పార్టీ తన హవాను చూపించింది. నిన్న విడుదలైన ఫలితాలలో కాంగ్రెస్ పార్టీకి 65 సీట్లు వచ్చాయి. అటు భారత రాష్ట్ర సమితి పార్టీకి 39 సీట్లు రావడం గమనార్హం.
