వలలో చిక్కుకున్న పాము తల..అందరినీ షాక్‌కు గురిచేసిన యువతి

సాధారంణగా విషపూరిత వన్యప్రాణులు కనిపిస్తే చాలు కొందరు భయపడిపోతుంటారు. మరికొందరు ఆ దరిదాపుల్లోకి కూడా వచ్చేందుకు ధైర్యం చేయరు. కానీ, ఓ యువతి వన్యప్రాణి సంరక్షకురాలు.అందులోనూ ఆమెకు పాములు అంటే చాలా ఇష్టం. వాటికి ఏమైనా జరిగినా, వాటి వలన తోటి జనాలకు ఏమైనా జరుగుతుందంటే వెంటనే రంగంలోకి దిగుతుంది.

ఈ క్రమంలోనే ఓ విషపూరిత పాము తల వలలో చిక్కుకుంది. దాని విడిపించుకోవడానికి ఆ పాము విలవిలలాడిపోయింది. అది గమనించిన కర్ణాటకకు చెందిన నిర్జరా చిట్టీ అనే యువతి ధైర్యం చేసి ముందడుగు వేసింది. వెంటనే ఆ పామును చేతిలో పట్టుకుని ఆ వల నుంచి విడిపించి వదిలేసింది. కాగా, దీనికి సంబంధించిన వీడియో ప్రస్తుతం నెట్టింట వైరల్ అవుతోంది.