గ్రాండ్​ ఈవెంట్​లో రణ్​వీర్​ను పట్టించుకోని దీపిక.. వీడియో వైరల్?

సెలబ్రిటీలు ఇంట్లో ఎలా ఉన్నా పబ్లిక్ ప్లేస్ లో మాత్రం చాలా చాలా జాగ్రత్తగా ఉండాలి. లేకపోతే కెమెరా కంటితో క్లిక్ అవుతారు. నెటిజన్ల వద్ద బుక్ అవుతారు. తాజాగా అలాగే బుక్కయ్యారు బాలీవుడ్ పవర్ కపుల్ రణ్​వీర్ సింగ్​-దీపికా పదుకొణె. ఆన్​స్క్రీన్​తో పాటు ఆఫ్​స్క్రీన్​లోనూ సూపర్ రొమాంటిక్ గా ఉండే ఈ జంట తాజాగా ఎడముఖం పెడముఖంగా కెమెరా కంటికి చిక్కారు. ప్రస్తుతం ఈ వీడియో సోషల్​ మీడియాలో వైరల్ అవుతోంది.

ఓగ్రాండ్ ఈవెంట్ కు దీపికా, రణ్ వీర్ కలిసి వెళ్లారు. ముందుగా కారు దిగిన రణ్ వీర్.. రెడ్ కార్పెట్​పై నడిచేందుకు దీపిక కోసం ఎదురు చూశాడు. దీపిక కారు దిగగానే.. తన చేయి చాచాడు. కానీ దాన్ని చూడనట్టుగానే దీపిక పదుకొణె ముందుకు అడుగులు వేస్తూ నడిచింది. దీంతో రణ్​వీర్​ సింగ్.. తన చేయిని కిందకు దించేసి ముందుకు సాగిపోయాడు. ముంబయి వేదికగా జరిగిన ఇండియన్ హానర్ స్పోర్ట్స్​ ఈవెంట్​లో పాల్గొనడానికి హాజరైంది ఈ జంట. అక్కడే ఈ సంఘటన జరిగింది. ప్రస్తుతం దీనికి సంబంధించిన వీడియో సోషల్​మీడియాలో ఫుల్ వైరల్ అవుతోంది.

ఈ జంట బాడీ లాంగ్వేజ్ చూస్తుంటే ఈ కార్యక్రమంలో పాల్గొనే ముందు ఇద్దరి మధ్య ఏదో చిన్న వాగ్వాదం జరిగిందేమో అన్నట్టుగా ఉందని ఓ యూజర్ కామెంట్ చేశాడు. కొంతమంది దీపికకు మద్దతు పలుకుతూ.. ఆమె రణ్​వీర్​ చేయి చూడలేదని అంటున్నారు. ఇలా పలువురు నెటిజ‌న్స్ ఈ వీడియోపై భిన్నాభిప్రాయాలు వ్యక్తం చేస్తున్నారు.