చాలా మంది సొంతింటి కలని సాకారం చేసుకోవాలని అనుకుంటున్నారా..? అయితే తగినన్ని డబ్బులు లేవా..? లోన్ తీసుకోవాలని అనుకుంటున్నారా..? అయితే తప్పక మీరు ఈ విషయాలని తెలుసుకోవాలి. ముఖ్యంగా హోమ్లోన్పై లభించే ట్యాక్స్ మినహాయింపు ప్రయోజనాలపై ప్రతి ఒక్కరికీ అవగాహన ఉండాలి. అలానే ఏమేం డాక్యుమెంట్స్ కావాలో కూడా తెలియాలి. అయితే వీటిలో ప్రొవిజినల్ సర్టిఫికేట్ ముఖ్యమైంది.
బ్యాంకుకు చెల్లించిన అసలు, వడ్డీపై లభించే ట్యాక్స్ మినహాయింపులకు ప్రూఫ్గా ఇది పనిచేస్తుంది. ఇక దీని కోసం పూర్తిగా చూస్తే.. ప్రస్తుత ఆర్థిక సంవత్సరంలో మీరు బ్యాంకుకు చెల్లించిన అసలు, వడ్డీల స్టేట్మెంట్గా ఈ ప్రొవిజినల్ సర్టిఫికేట్ అనేది పని చేస్తుంది. హోమ్ లోన్ తీసుకున్న బ్యాంకు నుంచి ఈ సర్టిఫికేట్ను పొందాల్సి ఉంటుంది. అయితే దీని వలన ఉపయోగాలని గురించి చూస్తే.. ఇన్‌కమ్ ట్యాక్స్ చట్టంలోని సెక్షన్ 80 సి ప్రకారం.. హోమ్ లోన్ కింద చెల్లించిన అసలుపై రూ.1.5 లక్షల వరకు ట్యాక్స్ మినహాయింపు పొందవచ్చు. అదే విధంగా సెక్షన్ 24 (బి) ప్రకారం.. మీరు చెల్లించే వడ్డీపై రూ.2 లక్షల వరకు ట్యాక్స్ మినహాయింపు పొందవచ్చు.
ఇది ఇలా ఉంటే కరోనా కారణంగా ఆర్బీఐ మారటోరియం వెసులుబాటును కల్పించింది. దీనిని సెలెక్ట్ చేస్తే ఈఎంఐలను సకాలంలో చెల్లించనందున, వారికి పన్ను మినహాయింపు ప్రయోజనాలు కూడా తక్కువగా ఉంటాయి. ఇక దీనిని ఎలా పొందొచ్చు అనేది చూస్తే.. ఆన్లైన్లోనూ ప్రొవిజినల్ సర్టిఫికేట్ పొందవచ్చు. ప్రస్తుతం, ఎక్కువ బ్యాంకులు తమ వినియోగదారులకు ఈ అవకాశాన్ని కల్పిస్తున్నాయి.
దీని కోసం మీరు నెట్ బ్యాంకింగ్ ఖాతా ఓపెన్ చేసి లాగిన్ అవ్వండి. అక్కడ హోమ్లోన్ అకౌంట్ నంబర్, పుట్టిన తేదీ, లోన్ మొత్తం, EMI మొత్తాలను ఎంటర్ చేయండి. అక్కడ గృహ రుణానికి సంబంధించిన ప్రొవిజినల్ సర్టిఫికెట్ ఉంటుంది. లేదు అంటే సమీపంలోని బ్యాంక్ శాఖను సందర్శించండి.
