భారీగా తగ్గిన Samsung Galaxy A32 స్మార్ట్‌ ఫోన్‌ ధర..!!

ప్రముఖ సౌత్‌ కొరియన్‌ స్మార్ట్‌ ఫోన్‌ దిగ్గజం సామ్‌సంగ్‌ నుంచి కొత్త ఫోన్ల రాక కొనసాగుతూనే ఉంది. కష్టమర్స్‌ను ఆకట్టుకోవడానికి కంపెనీ ఇప్పటికే పలు ఫోన్లపై ధరలను భారీగా తగ్గిస్తుంది. సామ్ సంగ్ గెలాక్సీ ఏ సిరీస్‌ లోని మరో స్మార్ట్‌ ఫోన్ ధరను భారీగా తగ్గించింది. సామ్ సంగ్ గెలాక్సీ ఏ32 స్మార్ట్‌ ఫోన్ ధరను రూ.3,500 తగ్గిస్తున్నట్లు వెల్లడించింది.

ఈ ఫోన్‌ రూ.25,000 లోపు బడ్జెట్‌లో రిలీజైంది..ఇప్పుడు ఈ స్మార్ట్‌ ఫోన్‌ను రూ.20,000 లోపే కొనే అవకాశాన్ని కల్పించింది. బ్యాంక్ ఆఫర్స్‌తో మరింత డిస్కౌంట్ పొందే వెసులు బాటు ఉంది. గతంలో సామ్ సంగ్ గెలాక్సీ ఏ32 స్మార్ట్‌ ఫోన్ 8జీబీ ర్యామ్ + 128 జీబీ స్టోరేజ్ వేరియంట్ ధర రూ.23,499 ఉండేది. ప్రస్తుతం రూ.3,500 తగ్గించడంతో ధర రూ.19,999కి తగ్గింది. అమెజాన్, ఫ్లిప్‌ కార్ట్‌లో బ్యాంక్ ఆఫర్స్‌తో ఇంకా తక్కువ ధరకే ఈ మొబైల్‌ను పొందే అవకాశం ఉంది.

సామ్ సంగ్ గెలాక్సీ ఏ32 ఫీచర్లు..
ఈ స్మార్ట్ ఫోన్ లో 90Hz రిఫ్రెష్ రేట్‌తో 6.4 అంగుళాల ఫుల్ హెచ్‌డీ + సూపర్ అమొలెడ్ ఇన్ఫినిటీ యూ డిస్‌ప్లే ఉంది.
మీడియా టెక్ హీలియో జీ80 ప్రాసెసర్‌ తో రన్ అవుతుంది.
ఇందులో 5,000ఎంఏహెచ్ బ్యాటరీ ఉంటుంది.
15 వాట్ ఫాస్ట్ ఛార్జింగ్ సపోర్ట్ చేస్తుంది. ఈ స్మార్ట్‌ ఫోన్ ఆండ్రాయిడ్ 11 + వన్ యూఐ 3 ఆపరేటింగ్ సిస్టమ్‌ తో రన్ అవుతుంది.
డ్యూయెల్ సిమ్ సపోర్ట్ చేస్తుంది.

కెమెరా క్వాలిటీ..

సామ్ సంగ్ గెలాక్సీ ఏ32 స్మార్ట్‌ ఫోన్‌ లో క్వాడ్ కెమెరా సెటప్ ఉంది. వెనుక వైపు 64 మెగా పిక్సెల్ ప్రైమరీ సెన్సార్ + 8 మెగాపిక్సెల్ అల్‌ట్రా వైడ్ యాంగిల్ కెమెరా + 5 మెగా పిక్సెల్ డెప్త్ సెన్సార్ + 5 మెగా పిక్సెల్ మ్యాక్రో సెన్సార్లతో నాలుగు కెమెరాల సెటప్ ను కలిగి ఉంది. సెల్ఫీలు, వీడియో కాల్స్ కోసం 20 మెగా పిక్సెల్ ఫ్రంట్ కెమెరాను కలిగి ఉంది. ఈ స్మార్ట్ ఫోన్ ఆసమ్ బ్లాక్, ఆసమ్ బ్లూ, ఆసమ్ వయొలెట్ రంగుల్లో లభ్యం అవుతుంది.