టాలీవుడ్ సూపర్ స్టార్ మహేశ్ బాబు నటించిన సూపర్ హిట్ ఫిల్మ్ ‘దూకుడు’. ఈ చిత్రం ఇప్పటికీ టీవీల్లో వస్తే చాలు..జనాలు టీవీలకు అతుక్కుపోయి మరీ చూసేస్తుంటారు. కామెడీ టైమింగ్ తో పాటు యాక్షన్ ఎపిసోడ్స్ లో మహేశ్ ఇరగదీసిన ఈ పిక్చర్..శ్రీను వైట్ల మార్క్ కామెడీ ఎంటర్ టైనర్ అని చెప్పొచ్చు. అయితే, ఈ చిత్రంలో ఓ పాత్రకు దర్శకుడు శ్రీను వైట్ల రియల్ స్టార్ శ్రీహరిని ఫిక్స్ చేశారు. కానీ, ఆ పాత్రలోకి తర్వాత ప్రకాశ్ రాజ్ వచ్చాడు.అలా జరగడం వెనుకున్న కథ తెలుసుకుందాం.
తెలంగాణ భాషను ఈ చిత్రంలో హీరో మహేశ్ బాబుకు బాడీ లాంగ్వేజ్ గా పెట్టాడు దర్శకుడు శ్రీనువైట్ల. ఈ క్రమంలోనే తనకు ఎంతో ఇష్టమైన నటుడు, రియల్ స్టార్ శ్రీహరిని తొలుత మహేశ్ బాబు కు తండ్రిగా ఫిక్స్ అయ్యారట. ఈ స్టోరిని శ్రీహరికి వినిపించగా, తాను అప్పుడే తండ్రి పాత్ర పోషించబోనని శ్రీహరి చెప్పేశాడట. అయినప్పటికీ ఎలాగో అలాగా కన్విన్స్ చేయాలని వైట్ల శ్రీను ప్రయత్నించాడు. కానీ, శ్రీహరి ఆ పాత్ర చేయలేని చెప్పేశాడు.
ఈ విషయమై శ్రీను వైట్ల ఆలోచించారు. ఆ తర్వాత ప్రకాశ్ రాజ్ కు మహేశ్ తండ్రి పాత్ర ఇచ్చారు. అలా ఆ సినిమాలో శ్రీహరి పాత్ర ప్రకాశ్ రాజ్ వద్దకు వెళ్లింది. ఈ చిత్రం ఏడాది పాటు బాగా ఆడింది. అప్పటి వరకు ఉన్న రికార్డులన్నిటినీ తిరగరాసి..మహేశ్ కెరీర్ లోనే బెస్ట్ పిక్చర్ గా నిలిచింది.
మహేశ్ కామెడీ టైమింగ్ ప్లస్ బ్రహ్మానందం, ఎంఎస్ నారాయణ, ధర్మవరపు వంటి కమెడియన్స్ తో సంభాషణలు ప్రేక్షకులను కడుపుబ్బ నవ్వించాయి. మహేశ్ -సమంత లవ్ ట్రాక్ కూడా ప్రేక్షకులకు విపరీతంగా నచ్చింది. మొత్తంగా ‘దూకుడు’ సినిమా సూపర్ హిట్ అయింది. శ్రీను వైట్ల-మహేశ్ బాబు కాంబోలో వచ్చిన తొలి పిక్చర్ ‘దూకుడు’ కాగా, ఇది అభిమానుల అంచనాలను మించి ఉండటంతో హ్యాపీగా ఫీలయ్యారు ఫ్యాన్స్.
