టో డైట్ వల్ల గుండె కొట్టుకునే వేగం ల‌య త‌ప్పుతుంద‌ని, గుండె కొట్టుకునే రేటు అసాధార‌ణంగా ఉంటుందని, దీని వల్ల గుండె పోటు వ‌చ్చేందుకు అవ‌కాశం ఉంటుందని సైంటిస్టులు చెబుతున్నారు.
అధిక బ‌రువును త‌గ్గించుకోవ‌చ్చ‌ని, డ‌యాబెటిస్ న‌యం అవుతుంద‌ని చెప్పి కీటో డైట్‌ను ఎక్కువ‌గా ఫాలో అవుతున్నారా ? అయితే జాగ్రత్త. ఎందుకంటే.. కీటో డైట్ వల్ల తీవ్ర‌మైన అనారోగ్య స‌మ‌స్య‌లు వ‌స్తాయ‌ట. ఈ విష‌యాన్ని మేం చెప్ప‌డం లేదు. ప‌లువురు సైంటిస్టులు తాజాగా చేప‌ట్టిన ప‌రిశోధ‌న‌ల్లో తెలిసింది. ప్ర‌స్తుతం ఎక్క‌డ చూసినా ప్ర‌పంచ వ్యాప్తంగా చాలా మంది కీటో డైట్‌ను ఫాలో అవ‌తుఉన్నారు. ఈ క్ర‌మంలోనే ఈ డైట్‌పై అధ్య‌య‌నాలు చేసిన సైంటిస్టులు షాకింగ్ విష‌యాన్ని వెల్ల‌డించారు. అదేమిటంటే…
కీటో డైట్‌లో కార్బొహైడ్రేట్ల‌ను తక్కువగా, కొవ్వు ప‌దార్థాల‌ను ఎక్కువ‌గా తీసుకుంటార‌ని తెలిసిందే. అయితే ఇలాంటి డైట్ తీసుకోవ‌డం వల్ల గుండె జ‌బ్బులు, హార్ట్ స్ట్రోక్స్ వచ్చే ముప్పు ఎక్కువ‌గా ఉంటుందని సైంటిస్టులు చేప‌ట్టిన అధ్య‌య‌నంలో తెలిసింది. కాగా ప్ర‌స్తుతం చాలా మంది సెల‌బ్రిటీలు కూడా ఈ డైట్‌ను అనుస‌రిస్తున్నారు. అయితే కీటో డైట్ వల్ల గుండెకు ముప్పు పొంచి ఉంటుందని సైంటిస్టులు హెచ్చ‌రిస్తున్నారు. కార్బొహైడ్రేట్ల‌ను త‌గ్గించి తిన‌డం మంచిది కాద‌ని వారు తెలియజేస్తున్నారు.
కీటో డైట్‌లో భాగంగా కార్బొహైడ్రేట్ల‌ను త‌గ్గించి తింగే గుండె జ‌బ్బులు వ‌చ్చేందుకు ఎక్కువ‌గా అవ‌కాశం ఉంటుందని సైంటిస్టులు చెబుతున్నారు. కీటో డైట్ వల్ల గుండె కొట్టుకునే వేగం ల‌య త‌ప్పుతుంద‌ని, గుండె కొట్టుకునే రేటు అసాధార‌ణంగా ఉంటుందని, దీని వల్ల గుండె పోటు వ‌చ్చేందుకు అవ‌కాశం ఉంటుందని సైంటిస్టులు చెబుతున్నారు. అలాగే ఇతర గుండె స‌మ‌స్య‌లు కూడా వ‌స్తాయ‌ని వారు అంటున్నారు. కాగా కీటో డైట్‌ను తీసుకుంటున్న 14వేల మందిపై ప‌రిశోధ‌న‌లు చేయ‌గా ఈ విష‌యం తెలిసింద‌ని ప్ర‌ముఖ సైంటిస్టు, కార్డియాల‌జిస్టు డాక్ట‌ర్ జుంగ్ తెలిపారు. క‌నుక కీటో డైట్‌ను ఫాలో అయ్యే వారు ఇక‌నైనా డైట్ విష‌యంలో జాగ్రత్త వ‌హిస్తే మంచిది. లేదంటే గుండె జ‌బ్బుల బారిన ప‌డేందుకు అవ‌కాశం ఉంటుంది..!
