హృదయకాలేయం డైరెక్టర్‌ సాయిరాజేశ్‌ చేస్తున్న కొత్త సినిమా బేబి. ఆనంద్‌ దేవరకొండ, విరాజ్‌ అశ్విన్‌, వైష్ణవి చైతన్య లీడ్ రోల్స్‌ లో నటిస్తున్నారు.ఈ మూవీ టీజర్‌ను మేకర్స్ లాంఛ్ చేశారు. మాస్‌ మూవీ మేకర్స్ బ్యానర్‌పై ఎస్‌కేఎన్‌ నిర్మిస్తున్న ఈ చిత్రానికి విజయ్‌ బల్గానిన్‌ సంగీతం అందిస్తున్నాడు. ఈ సారి సాయి రాజేశ్ దర్శకుడిగా మెగా ఫోన్ పట్టుకుని ‘బేబీ’ సినిమాను రూపొందించాడు. కొంతసేపటి క్రితం ఈ సినిమా టీజర్ లాంచ్ ఈవెంటును నిర్వహించారు. ఈ స్టేజ్ పై మారుతి .. హరీశ్ శంకర్ .. అనిల్ రావిపూడి .. వశిష్ఠ సమక్షంలో ఈ సినిమా నుంచి టీజర్ ను రిలీజ్ చేశారు.
ఇది గ్రామీణ నేపథ్యంలో హై స్కూల్ స్థాయిలో జరిగే ప్రేమకథ అనే విషయం టీజర్ ను బట్టి తెలుస్తోంది. హీరో హీరోయిన్ ఒకరి పట్ల ఒకరు ఆకర్షితులు కావడం .. ప్రేమలో పడటం .. ప్రేమలోని అనుభూతిని పొందడం ఈ టీజర్ లో చూపించారు. త్వరలోనే ఈ సినిమాను విడుదల చేయనున్నారు.
