Collapsed bridge in East Godavari district : తూర్పుగోదావరి జిల్లాలో బ్రిడ్జి కూలింది. దీంతో అంధకారంలోకి 5 గ్రామాలు వెళ్లాయి. ఈ సంఘటన వివరాలు ఇలా ఉన్నాయి. తూర్పు గోదావరి జిల్లా రాజానగరం పరిధి నందరాడ వద్ద కూలిపోయింది కల్వర్ట్ బ్రిడ్జి. చెరువులు నుండి వస్తున్న నీటితో కాలువ ఉదృతంగా ప్రవహించడంతో వరద ప్రవాహానికి కొట్టుకు పోయింది బ్రిడ్జి.
అయితే.. ఆ కల్వర్ట్ బ్రిడ్జి కూలి పోవడంతో 5 గ్రామాలకు రాకపోకలు.. నిలిచిపోయాయి. నందరాడ, కలవచర్ల, నరేంద్రపురం, గాదరాడ, రాజనగరం వైపుగా గ్రామాలకు రాకపోకలు నిలిచిపోయాయి. బ్రిడ్జి కాలువ దాటికి క్రుంగిపోవడంతో వాహనదారులకు హెచ్చరిక బోర్డులను పెట్టారు అధికారులు.. వాహనదారులు రాజానగరం వెళ్లేందుకు దారిమల్లింపు చేశారు అధికారులు. ఈ సంఘటనపై ఇంకా వివరాలు తెలియాల్సి ఉంది.
