ఫిబ్రవరి 05న వైసీపీ చేపట్టే ఫీజు పోరు కార్యక్రమం పోస్టర్ ను వైసీపీ నేతలు విడుదల చేశారు. తాడేపల్లిలోని పార్టీ కేంద్ర కార్యాలయంలో మాజీ మంత్రులు జోగి రమేష్, అంబటి రాంబాబు తదితర నేతలు పోస్టర్ ని రిలీజ్ చేసారు. ఈ సందర్భంగా అంబటి రాంబాబు మాట్లాడుతూ రూ.3,900 కోట్ల బకాయిలు చెల్లించకుండా చంద్రబాబు వేధిస్తున్నారని మండిపడ్డారు. విద్యాసంస్థలు.. విద్యార్తులకు సర్టిఫికేట్లు కూడా ఇవ్వడం లేదు. దీంతో విద్యార్తులు కూలీగా మారిపోతున్నారన్నారు.
2014-19లో కూడా చంద్రబాబు అలాగే బకాయిలు పెడితే వైఎస్ జగన్ వచ్చాక రిలీజ్ ఇచ్చారు. చంద్రబాబు వ్యవహార శైలి ఎప్పుడూ ఇలాగే ఉంటుందని అంబటి రాంబాబు గుర్తు చేశారు. విద్యార్తులకు అండగా వైసీపీ ఉంటుంది. గడిచిన 8 నెలల్లో తీవ్ర వ్యతిరేకత వచ్చింది. చంద్రబాబు 420 అంటూ జనం విమర్శలు చేస్తున్నారు. వెంటనే ఫీజు రీయంబర్స్ మెంట్ నిధులు ఇవ్వకపోతే పోరాటం తీవ్రరూపం చేస్తామని అంబటి రాంబాబు హెచ్చరించారు.
