జపాన్: టోక్యో ఒలింపిక్స్ అర్చరీ మహిళల వ్యక్తిగత ర్యాంకింగ్ రౌండ్ పూర్తి అయింది. భారత ఆర్చర్ దీపికా కుమారి తొమ్మిదో స్థానంలో నిలిచారు. తొలి మూడు స్థానాల్లో దక్షిణ కొరియా ఆర్చర్లు ఉన్నారు. ఉదయం 5 గంటల 30 నిమిషాలకు ఆర్చరీలో మహిళల వ్యక్తిగత క్వాలిఫికేషన్ రౌండ్ జరిగింది. ఈ మెగా ఈవెంట్‌లో దీపికా కుమారి సత్తా చాటారు.
కాగా ఒలింపిక్స్ క్రీడలు ప్రారంభమయ్యాయి. 2020లో జరగాల్సి ఈ క్రీడలు కరోనా కారణంగా తాజాగా జరుగుతున్నాయి. మొత్తం 11 వేలకు పైగా క్రీడాకారులు ఈ ఒలింపిక్స్‌లో ప్రతిభ చూపనున్నారు. అయితే ఈసారి ఒలింపిక్స్ వేదికపై ప్రేక్షకులు కనిపించడం లేదు. కోవిడ్ నిబంధనల ప్రకారం వారిని అనుమతించలేదు.
