చాలా మందికి ముఖం తెల్లగా ఉన్నా.. వారి పెదాలు మాత్రం నల్లగా ఉంటాయి.. ముఖ్యంగా పైన పెద మరీ నల్లగా ఉంటుంది. పెదాలు చుట్టుపక్కల కూడా బ్లాక్ ఉంటుంది. వీటిని కవర్‌ చేయడానికి లిప్‌స్టిక్‌లు వాడేస్తారు.. ఇలా అవడానికి కూడా కొన్ని కారణాలు ఉంటాయి. దీనిని ఒక పిగ్మెంటేషన్‌ అంటారు. శరీరంలో విటమిన్ల లోపం వల్ల ఇలా అవుతుంది. ఒక చిట్కాను ఉపయోగించి.. పెదాలను, ముక్క పక్కన ఉన్న నలుపును పోగొట్టుకోవచ్చు ఎలా అంటే..
పెద‌వుల చుట్టూ ఉండే ఈ నలుపును దూరం చేసే ఇంటి చిట్కా గురించి ఇప్పుడు తెలుసుకుందాం. ఇందుకోసం మ‌నం రెండు టేబుల్ స్పూన్ల బియ్యం పిండిని, అర టీ స్పూన్ ప‌సుపును, 2 టేబుల్ స్పూన్ల పెరుగును, ఒక చెక్క ట‌మాట ముక్క‌ను తీసుకోండి.. ముందుగా ఒక గిన్నెలో బియ్యం పిండిని, ప‌సుపును తీసుకోవాలి. త‌రువాత పెరుగును వేసి క‌లుపుకోవాలి. ఇప్పుడు ఒక ట‌మాట కాయ‌ను అడ్డంగా రెండు ముక్క‌లుగా చేసి ఒక ముక్క‌ను తీసుకోవాలి. ఈ ట‌మాట ముక్కతో ముందుగా క‌లిపి పెట్టుకున్న బియ్యం పిండి మిశ్ర‌మాన్ని తీసుకుంటూ ముఖంపై నల్లగా ఉన్న ప్రాంతంలో రాస్తూ 3 నిమిషాల పాటు మర్దనా చేయాలి.
ఇలా మర్దనా చేసేట‌ప్పుడు బియ్యంపిండి మిశ్ర‌మం, ట‌మాట ర‌సం రెండు క‌లిసేలా చూసుకోండి.. ఇలా రాసిన 15 నుంచి 20 నిమిషాల త‌రువాత వేడి నీటితో ముఖాన్ని శుభ్రం చేసుకోవాలి. త‌రువాత దూదితో గులాబీ నీటిని తీసుకుంటూ ముఖానికి రాసుకోవాలి. ఇలా వారానికి రెండుసార్లు చేయ‌డం వల్ల ముఖంపై ఉండే న‌లుపు పోయి ముఖం నిగ‌నిగ‌లాడుతూ క‌న‌బ‌డుతుంది. అలాగే పెద‌వుల చుట్టూ ఉండే న‌లుపుద‌నం కూడా పోతుంది.
వీటిపో పాటు.. బ్రష్ చేసేప్పుడు ఆ పేస్ట్‌ నురుగు అనేది చాలా మంది మూతి చుట్టూ అంటించుకుంటారు. అసలు ఆ నురుగు పైకి రాకుండా బ్రష్ చేయాలి. అది మీ పెదాలకు, చుట్టుపక్కలా రోజూ అంటితే..దాని వల్ల అక్కడ మొత్తం నల్లగా మారిపోతుంది. అందుకే అద్దంలో చూసుకుంటూ బ్రష్ చేస్తే వెంటనే క్లీన్‌ చేసుకోవచ్చు.. అలాగే నిద్రపోయేప్పుడు సొల్లు కార్చే అలవాటు ఉంటే మానేయండి. ఒకవేళ సొల్లు కారుస్తున్నట్లు తెలిస్తే..వెంటనే క్లీన్‌ చేసుకోండి. ఈ రెండింటి వల్ల కూడా పెదాల దగ్గర నల్లగా అవుతుంది.
