నేను పదో తరగతి మాత్రమే చదువకున్నా.. నాకేం ప్రభుత్వ ఉద్యోగం వస్తుంది అనుకునే వారికి గుడ్‌న్యూస్‌.. స్టాఫ్ సెలక్షన్ కమిషన్ (ఎస్ఎస్సీ) నుంచి నోటిఫికేషన్ విడుదలైంది. ఇందులో పదో తరగతి అర్హతతో కూడా పోస్టులు ఉన్నాయి. కావున ఈ అవకాశాన్ని సద్వినియోగం చేసుకోండి. స్టాఫ్ సెలక్షన్ కమిషన్(ఎస్ఎస్సీ) సెలక్షన్ పోస్టు ఫేజ్ 10 నోటిఫికేషన్ విడుదలైంది. పది, పన్నెండు, డిగ్రీ ఉత్తీర్ణతతో మొత్తం 2,065 పోస్టులు ఖాళీగా ఉన్నాయి. ww.ssc.nic.in అధికారిక వెబ్సైట్లో ఇందుకు సంబంధించిన పూర్తి వివరాలు ఉన్నాయి. అభ్యర్థులు ఆన్లైన్ ద్వారా మాత్రమే దరఖాస్తు చేసుకోవాలి. రాత పరీక్ష ద్వారా ఎంపిక ఉంటుంది. ఆగస్టులో ఈ పరీక్షలు నిర్వహిస్తారు. దరఖాస్తు ప్రక్రియ మే 12నే ప్రారంభమైంది. దరఖాస్తుకు చివరి తేది జూన్ 13. దరఖాస్తు రుసుం రూ.100. ఎస్సీ, ఎస్టీ, మహిళా అభ్యర్థులు ఎలాంటి ఫీజు చెల్లించనవసరం లేదు.
ఈ విడతలో మొత్తం 2,065 పోస్టులను భర్తీ చేయనుంది ఎస్ఎస్సీ. అభ్యర్థులు విద్యార్హతను బట్టి ఆయా పోస్టులకు అప్లై చేసుకోవాల్సి ఉంటుంది. జీతం పోస్టుల ఆధారంగా రూ.5,200 నుంచి రూ.34,800 వరకు ఉంటుంది. ఈ ఉద్యోగాలకు అప్లై చేసుకునే వారి వయసు 18-30 ఏళ్ల మధ్య ఉండాలి.
ఎస్ఎస్సీ సెలక్షన్ పోస్టులో పదో తరగతి విద్యార్హతతో మల్టీ టాస్కింగ్ స్టాఫ్, లాస్కార్-I, ఎం.టి హెల్పర్, మెడికల్ అటెండెంట్ వంటి పోస్టులు ఉంటాయి.పన్నెండో తరగతి విద్యార్హతతో స్టోర్ కీపర్, ఎఎస్ఐ(రేడియో టెక్నీషియన్), కానిస్టేబుల్(ఫొటోగ్రాఫర్), ఫార్మసిస్ట్(అలోపథిక్), హెడ్ కానిస్టేబుల్(స్టోర్ క్లర్క్) వంటి పోస్టులుంటాయిడిగ్రీ, ఆపై ఉత్తీర్ణతతో రీసెర్చ్ ఎనలిస్ట్, కెమికల్ అసెస్టెంట్, గర్ల్ క్యాడెట్ ఇన్స్ట్రక్టర్, డేటా ప్రాసెసింగ్ అసిస్టెంట్, జూనియర్ జియోగ్రాఫికల్ ఇంజినీర్ వంటి పోస్టులుంటాయి.
