హైదరాబాద్ వాసులకు అలెర్ట్.. నేడు భాగ్యనగరంలో పలు ఎంఎంటీఎస్ రైళ్లు రద్దు చేస్తున్నట్లు దక్షిణ మధ్య రైల్వే వెల్లడించింది. ఈ విషయాన్ని ప్రయాణికులు గమనించాలని దక్షిణ మధ్య రైల్వే అధికారులు కోరారు. నిర్వహణ పనుల కారణంగా ఈ రైళ్లు రద్దు చేస్తున్నట్లు ప్రకటించారు దక్షిణ మధ్య రైల్వే అధికారులు. లింగంపల్లి టు హైదరాబాద్ మార్గంలో 9 రైళ్లను రద్దు చేస్తున్నారు. అలాగే హైదరాబాద్ టు లింగంపల్లి 9 రైళ్లు, ఫలక్ నూమా టు లింగంపల్లి ఏడు రైళ్లు, లింగంపల్లి టు ఫలక్నామ 7 రైళ్లు,
సికింద్రాబాద్ టు లింగంపల్లి మార్గంలో ఒకటి మరియు లింగంపల్లి టు సికింద్రాబాద్ మార్గంలో ఒక రైలు రద్దు చేస్తున్నట్లు వెల్లడించారు దక్షిణ మధ్య రైల్వే అధికారులు . హైదరాబాద్ ప్రయాణికులు తమ ప్రయాణాలను ఇతర మార్గాల ద్వారా చేసుకోవాలని కోరారు. కాగా హైదరాబాద్ లో కురుస్తున్న వర్షాలకు లోతట్టు ప్రాంతాలు జలమయం అయ్యాయి. దీనితో ప్రయాణాలకు తీవ్ర ఇబ్బంది ఏర్పడుతుంది.
