ఓ నీచుడు.. అన్న అనే పదానికి మాయని మచ్చను తీసుకువచ్చాడు. అన్నింట్లో అండగా ఉండాల్సిన అన్నే.. ఆ చెల్లెళ్ల పాలిట మృగాడుగా మారాడు. అన్యం పుణ్యం తెలియని మైనర్లైన చెల్లెళ్లపై ఎవరికీ తెలియకుండా ఆత్యాచారం చేస్తూ.. తన కామవాంఛ తీర్చుకున్నాడు. విషయం తెలిసి అడ్డం వచ్చిన తల్లిపై సైతం అత్యాచారానికి ఒడిగట్టాడో దుర్మార్గుడు. ఝార్ఖండ్లోని లోహర్దగా జిల్లాలో చోటు చేసుకుంది. పోలీసులు తెలిపిన వివరాల ప్రకారం.. గత మూడేళ్లుగా మైనర్లు అయిన తన ఇద్దరి చెల్లెళ్లపై నిందితుడు అత్యాచారానికి పాల్పడేవాడు.
ఇటీవల మరోసారి అత్యాచారానికి ప్రయత్నించగా ప్రతిఘటించిన బాధితురాళ్లు తల్లికి ఈ విషయాన్ని చెప్పారు. ఈ క్రమంలో తల్లిపై కూడా అత్యాచారానికి ప్రయత్నించాడు ఆ కామాంధుడు. ఈ విషయంపై స్థానిక పోలీసులకు తల్లి ఫిర్యాదు చేయడం వల్ల పోక్సో చట్టం కింద నిందితుడిపై కేసు నమోదు చేసి అరెస్ట్ చేశారు. అయితే స్థానికులు నిందితుడిని కఠినంగా శిక్షించాలని, ఉరి శిక్ష విధించాలని కోరుతున్నారు.
