వివిధ పనుల కోసం విదేశాలకు భారతీయులు వెళుతూనే ఉంటారు. అయితే అలాంటి వారికి కువైట్ ప్రభుత్వం శుభవార్త చెప్పింది. ప్రవాస కార్మికులకు ఇచ్చే వర్క్ పర్మిట్ ప్రక్రియను వేగవంతం చేసింది కువైట్ ప్రభుత్వం. కేవలం 10 రోజుల్లోనే వర్క్ పర్మిట్ జారీ అయ్యేలా నూతన విధానాన్ని తీసుకొచ్చింది కువైట్ ప్రభుత్వం. గతంలో వర్క్ పర్మిట్ కోసం కనీసం 3 నెలలు వేచి చూడాల్సి ఉండేది.
దీంతో కువైట్ చేరుకున్నవారు ఇబ్బందులు ఎదుర్కునే వారు. ప్రస్తుతం మెడికల్ పరీక్షల కోసం 4 రోజుల సమయం పడుతోంది. వీటిలో స్వదేశంలో 2 రోజులు, కువైట్ కు వచ్చిన తర్వాత మరో 2 రోజుల సమయం పట్టేది. వైద్య పరీక్షల ఫలితాలను పొందడానికి ఒక నెల పట్టేది. కొత్త విధానం వల్ల ఈ సమయం పూర్తిగా తగ్గిపోనుంది. అయితే కొత్త విధానంలో ఛార్జీలు గతంలో కంటే ఎక్కువగా ఉండబోతున్నాయి. కువైట్ ప్రభుత్వం ఈ కీలక నిర్ణయంతో కొంత ఊరట కలుగనుంది.
