కాంగ్రెస్ లోకి మళ్లీ వస్తే రాజగోపాల్ రెడ్డికి బీ ఫామ్ ఇస్తామని రేవంత్ రెడ్డి ప్రకటన చేశారు. అందరం రాజగోపాల్ రెడ్డిని గెలిపించుకుంటామని… పార్టీ సీనియర్ నేతలందరం ఆయన కోసం పని చేస్తామని వెల్లడించారు. కోమటిరెడ్డి వెంకట్ రెడ్డి స్టార్ క్యాంపెనర్… ఆయన ఎన్నికల ప్రచారంలో పాల్గొంటారు..బీజేపీ లో కండువా కప్పుకున్నప్పుడే పండగ అని చురకలు అంటించారు.
మునుగోడు నియోజకవర్గంలో అరాచకం సృష్టించదానికి తెరాస, బీజేపీ లు తీరాలేపాయని ఆగ్రహం వ్యక్తం చేశారు పీసీసీ చీఫ్ రేవంత్ రెడ్డి. ఎన్నికల్లో డబ్బులు పంపిణి చేసే పరిస్థితిలో కాంగ్రెస్ లేదని… తెరాస, బీజేపీ లు ఉప ఎన్నికల కోసం వేయి కోట్లు ఖర్చు పెడతారని ఫైర్ అయ్యారు. కాంగ్రెస్ గెలవకపోతే పేదల గొంతు చచ్చిపోతుందని ఆవేదన వ్యక్తం చేశారు. తెలంగాణ రాష్టంలో ప్రజలు మునుగోడు వైపు చూస్తున్నారని… సాయుద పోరాటానికి మునుగోడు చిరునామా అన్నారు. కొట్లాడి తెచ్చుకున్న రాష్ట్రంలో ఉమ్మడి నల్లగొండ వివక్షకు గురవుతుందని.. కేసిఆర్ మునుగోడు సమస్యలకు పరిష్కారం చూపలేదని ఫైర్ అయ్యారు. పోడుభూముల సమస్య పరిష్కారం కాలేదని.. రోడ్లు అడ్వాన్నం, సాగు, తాగు నీటి సమస్య పరిష్కారం కాలేదని నిప్పులు చెరిగారు.
బీజేపీ నేతలు కెసిఆర్ అవలంభించిన పద్ధతులనే అమలు చేస్తున్నారు. బీజేపీ పెద్ద ఎత్తున పార్టీ ఫిరాయింపులను ప్రోత్సహిస్తున్నారని మండిపడ్డారు. మునుగోడు లో కెసిఆర్ కు భిన్నంగా బీజేపీ చేస్తున్నది ఏంటి..ప్రజాపతినిధులను బీజేపీ బహిరంగoగా కొనుగోలు చేస్తుంటే ఈటెల ఎందుకు మాట్లాడటం లేదని ఫైర్ అయ్యారు. రాజీనామాల ద్వారానే అభివృద్ధి జరుగుతుంది అంటే మొదట బీజేపీ 4 ఎంపిలు రాజీనామాలు చేయాలని డిమాండ్‌ చేశారు పీసీసీ చీఫ్ రేవంత్ రెడ్డి.